Gestemerdijê Ewrupa Şahîya Gaxanî de restî pê
Wusêne Gestemerde tarafından yazıldı.   
Pazar, 28 Aralık 2008 22:24
Komîta Gestemerdijan a Berlînî, emser Şahîya Gaxanî a 5 îne edi Berlin de organîze kerde.

Edi şaristanê Berlinî de, hîyata Cematê Dêrsîmî de roja 27.12.08 de Gestemerdijan teba nas û dostanê xo, Şahîya Gaxanî bi coş û heyecanêde gird fîraz kerde.

Raştî kî îlgî û alaqa miletî zafbîye. Dorbere 220 kesî amêbî. Amancê Komîta Gestemerdijan a Berlînî, a bîye  ke wa însanî pêro-pîya bêrenê têlewe de, têkişte de, têdest de, bi coş, bi dostênî, bi huyayiş, bi eşq...

bi coşê govende û bi kêfweşîye Gaxanî fîraz bikerênê û bi nê heyecan û coşî  bikuyê sera newîye. Amancê diyîne kî, nê kultirê xo biramîme û bidîme naskerdene.

Gaxan, kulturê ma de rojanê taybetîyan ra yew roja de muhîm a. Şarê ma Kirmanc mîyan de heyanî nika Şahîya Gaxanî ama viraştene. Her çiqas ke zê  seranê vêrî her sere nêrone fîraz kerdene kî, se ke êno zanitene ganî Gaxan her sere anê rojanê aşma Gaxane de bêrone fîrazkerdene. Gaxan, rengê kulturê ma ra yew roja de muhîm a. No semed ra kî ma kî bi rengê kulturê xo, bi rengê ziwanê xo, bi rengê kamîya xo na Şahîya Gaxanî fîraz kerde. Her çiqas ke o tam û heyecanê welatî çînebî kî, gore şertan û îmkananê nacayî zaf rind û delal bî.

Werdene ra dime Gaxanî bi Fatika xo skeç kaykerd, wertê miletî ra cêrayî û domana ra şekir û çî-mî kerd vila. Gaxan û Fatike bi govende skeçê xo qedêna. Na hêne (esna) de kî embazê ma Lerzan Jandîlî bi kilmek mana û muhumîya roja Gaxanî arde ziwan û tekst o ke (derheqê Gaxan de) Hesenê Yekmale çarna bî re almankî embaza ma Fîgene kî seba domanan wend.

Na Şahîya Gaxanî, bi fedakarî û kedê hevalanê ma; Fîgene, Fazîlete, Mehemed, Îmam, Hesen, Cebraîl, Alsebir, Riza, Xidir û Çekoyî organîze bîye. No semed ra kî seba na xizmete, fedakarî û kedî wa weş û warbênê. Aye ra dime Gestemerdijanê ma rê, nas û dostanê ma pêroyîne rê zaf sipas kenîme .

Amayena hevalanê ma yê Londra ra Xidir, Kemal û xanima ey rê, edi Îzmîr ra Sertîf û Îlhanî rê, edi Nürnberg ra Nîl û Rizayî rê, edi Avusturya ra Devrîmî rê ma zaf bîme şa û wa ê kî weşûwar bê.

Programê Şahîya Gaxanî bi rêze nîya bî:

Bi reng û vengê xô Grup Doxuş, Rêyena bi reng û vengê xo, bi dawul-zurna xo Heqî Polat û Îsmetî ra

Derheqê Gaxanî de bi ziwanê kirmanckî (zazakî) û almankî qesekerdene, û skeçê Gaxanî û suprîzî...

govende, heyanî desteşodir govende..

Şahîya Ganî saate 17:00 de dest kerd bi ci û heyanî nême şewe dewam kerd.

Gaxanê şima rêyena fîraz bo!.
 

Yorumlar 

 
#1 xidir SeFeR 2009-01-03 18:57
Gaxan Etkinligini Hazirliyan Herkese

Hep soylenir kollektif bir yasam icin sozler yetmaz armoni gerekir, oda kavramsal benlerlen degil, yasiyan, ican, gulen, kavga eden, bireylerle isin anahtarida yap ogrettir. Iste bu gaxan etkinlik geceside bunu dogrular gibiydi.

bu nedenle tertip komitesini selamliyor bu etkinlikten dolayi tebrik ediyorum, kostunden salon duzenine yemek ve tum servislere kadar hersey cok iyi ve istenlikliydi.
kendi dilimizde sarki, turku dinlemek, halay cekmek dans etmek, konusmak o arnoniyi yasamak ayri bir zevkti, bi arada cocukluk anilarimizi konusmak bir birinizi daha yakinen tanimanin araci olarak heycanliydi.

Keske herkes orda olabilseydi.goremedigim cocukluk arkadaslarima, dostlarima,dusu ncelerimi,boyle bir senlik seklinde karsimdakinin yuzunu , vucudunu gozlerini tepkilernini , mimiklerini ,kah bagirip kah dev bir resim yapip yani beni diger benlere ulastiracak tum araclarla ifade edebilseydim.

Gurup dogus geceye degislerle katkilarini sunsada muzigin evrenseligini goz onunde bulundurarak , Zazaca parcalarla bizi o istenilen bingol daglarinin bastan sona esen varto ruzgarlarina ve oranin yesil maviliklenine goturemedi bu konuda eksikliklerini bir an once gidermesi cok iyi olur.seslerininde Zazacaya cok iyi yakisacagina inaniyorum.

kulturel etkinlikler sosyal kaynasmanin bir barcasi olarak bizleri bir birimize yaklastirdigi gibi tanismanin ve yabancilasmayi asmanin birer aracidirlar.Bu nedenle anlamli buluyor geceye katki sunan ve katilan herkese tesekkurlerimi sunuyorum.