Kozik PDF Yazdır e-Posta
Wayîr tarafından yazıldı.   
Çarşamba, 12 Ağustos 2009 21:01

Domanîye de, waxto ke domanî wertê xo de kay kaykerdêne, xo rê kozik yan kî kozikî viraştêne. Kayê xo ke xelesîyêne kozike xo şanitêne we, hona şîyêne. Dolimane kî eke sere qerebelix bîyamêne viraştene, nîyadêne ju amê hama şanit we û şî. Se bî? Tawa kî nêbi, ancî zê verî.

Na çand serî yo ke persa kurdan  ser ro kî, tayê paketan kenê hazir, tayê xerita raye nûsnenê. Labelê nê paketan ra ne kurd vejînê, ne kî nê rayan ra kurdî cuyinê. Gelo qey hondê xerîte û rayî hatanî nika kurdan çi waşto yan kî wazenê nîyardbî re zon, yan kî ardbî re zon, cira poşman bî. Ez ke zana kurdî poşman kî  nîyê, û çi wazenê aye kî rind zanê. Çi wazenê? Welatê xo. O ke nêbî kî, tewr kêmî federasîyon. Naye kam nêzano yan kî nêheşna. Seba nê çîyan ra gere xerita raye yan kî paketî virazîyê. Ebi mi ney.

Komara tirkan sîstemêde leşkerî ser ro ama awankerdene, heyanî nika kî ebe aye ama gurenayene. Nê gurenayişî ra gelê kesan xo rê kozikî viraştê. Viraştene ra viraştê, labelê nara kî nêwazenê kî biêrê weşanitene. Çito ke aseno nêênê weşanitene kî. Dême ke nê kozikê domanan nîyê.

Hetê kurdan de nîya bidîme, ma kozikên înan çitore yê? Bi rastî kî ê înan kî nêênê rijnayiş? Rêxistinanê kurdan de kî tayîne kozikî viraştbî. Nika wazenê birijnê. Wazenê çik o, rijnenê kî. Eke mordem kovaran û rojnameyan de nîya dano, rastî kî qet qayîl nîyo ke biwano. Se bî? Kamcî hîkmete virazîye, ma nedîye. Çi degiş bî ke ma te de nêvet. Kanê kurdî milet bî, kurdistan dewlete biye? Çi vûrîya, nêne bira? Her rojnameye de xeriteya raya kurdan hemî kî, her rêxistene ra, ne her nûskarî ra. Weşfikr û ramananê xo gere mordem bîyaro re zon. Ma tarîxê miletan rê se bî? Kanê kurd û tarîxê înan? Ne dinya degiş bîya, şertî şîyê sertên bînî amê. Eke felan kes vano rastîye felan û bevan nêvate. Ê baş, nê şert û mercî tenya seba kurdan degiş bî. Hona cand serî naye ra ravê Yugoslavya de çand dewleti amê viraştene, û Rûsya de ancî hînî. Ne eke vato modelê ulus-dewlete derbaz bîyo, hînî ro,wa hînî.

Rojê zencîyê  tayê tarî de duraxê (ding) otobûse de vindeno. Kincên xo sîya benê. Şofor nêvîneno, derbaz beno. No xo bexo hêrs beno. Dot ra pîyayê êno û ‘Se bî? Ti qey hêrs bîya?’ perseno cira. No kî ‘Otobûse tîya nêvindete, ke ez cinîşî’ vano. Merik ‘Ti kotî vindetbî?’ vano cira. ‘Aha naca’ vano. ‘Ma ti hem qer, hem kî tarî de vindeta. Ti vana ke her kes to vîneno’ vano cira.

 Ez vajî Kurdî kî herhal de kincanê tarîyan xora nêdanê, û tarî de kî ronênîşenê.

 

Wayîr
Son Güncelleme: Perşembe, 13 Ağustos 2009 11:25