Gestemerde Online

Şima Miçi nas kene Zacexe ra. Di-hire kesi şone lewe Miçi tey sohbet kene. No miyan de cira dexalet kene ke wa kilame vaco. Miç ina ra perseno, vano bira kilame vaci, vane ya. Dest keno ci: "Le kilame ,le kilame ez kilame vana de le kilame, le kilame…"

Nê kesî hama hers bene, cira ero na sene kilam a, ma re kilama gule vace. Miç vano bira kilama gule vaci, vane ya. Miç dest onciya keno ci:  "Ez kilama gule vana, de le gule ,le gule, de lo lo le gule, le kilama gule.."

Se ke şima ki zane mi nivise xo yo virende ebe name KOZIKI  nivisnaybi, ke ne nê paketane ASITIYE, ne nê raya ra KURDI cuyine. Ame diyarke bî rasti ki seba aştiye ki, seba kurda ra ki na memleketo militarist de ne çiye vecino, ne ki kesê ke xo temsilkare kurda vinene seba kurda ra çiye vazene. Sebeta ke keso ke aştiye ya ke biratiye wazeno ya ke wazenê, gere e mana aştiye û biratiye rind bizane ke naye de ser kuye.

Nika sima vane çi elaqa  Miçi yo na mesela esta. Ma şima ki zane ke keso ke biwazo lawika goş bido, gere şoro lewe dengbeji. Eke neşi lewe dengbeji, demeke o kes xo de ya ke waştena xo de ki rast niyo, coka na waştena deyi ki nêna ca. Keso ke dengbej ki nebi kilamede niyanene vano, peyco ki perseno bira weşe biye?

Nika heqeten mordem niya qati beno, partiyede islamiste û partiyede cekdare. Islam de  demokrasiye û aştiye waştene ciqas duşte jubinî ya, hini ki pkk de. Se ke eno zanayene 93 de ki onciya adir birayisde (ebe deste pkk bi  ya ke ne bi) 33 leşkere bê çeke amayi kiştene, pkk vat heya ma kerd, nika ki onciya ne hete ke zaf biratiye ya ke aştiye wazene ebe deste ina kayede ze veri, vane ma kerd. Gelo nişkine, elbet şikine. labele mordem gere verocoy na waştena xo eşkere bikero hona, yane balte gere lingane xo ra duri bicero.Tabi ke çiye ke hukmeti ki, pkk ki vazene careseriya persa kurda ya ke kurdi niya, labele eke çekî bere birayene, eke taye çi turkiye de biviriye ya ke eke hukmet taye piçkeleki raya diyalogi yakerdene waşte kese ke demokrasi ya ke aşti wazeno dest bide ci, ke raya aşti u demokrasiye ki rabo. Nê eke ti vace bê ma ti neşikina ciya bikere, o vaxt ti duşte astiye ya ki duşte demokrasi ya ki. Yane ti wazena şere cekdariye berdevam bo, naye nika kam wazeno, ma niya dame vaştena muhalefete tirkiya u leşkeri hini ya. Ciyo ke rast o, akp wazena ne şeri bido xelesnayene, labele hurdina hete şeri wazi ki xelase nê şeri nivazene, naye zaf eşkera xo kifş kerd.

Heto bin ra dtp, na partiye ki  zere komara turkiye de xo partiyede kurda vinena seba careseriya ne kari amade biya, gele ciyane ke ana be zon, ma vacime ke partiyake tuzike xo, ya ke pirograme xo virast u eşkere kerd ebe o qeyda ki bixebetiyo. Cike ne seba kurda ra zon, seba kurda ra taye heq u huqiki, demokrasiye û aboriya a hereme. Eno zanayene ki dtp kurda ra rayan ki cena. ma ciqas serm o ke dtb vana careserkerdena persa kurda muhatap ma nime ,ya ke ma xo muhatap nevineme. heta taye vekile mileti aye vane qati ma şome ko ha. lo bira ma ko ra zaten estê, qa eke ina çiye bikerdene, na 30 seri yo ciye kerdbi, hemi ki ê ki vane ke careseriye ebe raya diyalogi û demokrasi ya. ma gere şima ki ina re na raye yakere, kare şima linge be linge hirakerdena demokrasiye bo. u gore tuzik u programe xo hereket bikere. Eke vane nê, o cax verocoy tuzuk u programe xo degişkere, name xo degişkere wa mileti ki bizano. Yane xo sero vindere. cimke şima ke xo sero mebe, cokane juye bin sero ronişe ne fayde xo şima re ne ki ê bina re esto.

Qapatkerdena dtp rastiya tirkan a. gere mordem bizano ke komara ke atayê turka ine re saz kerda, senena. Gere endame dtp hona rastiya kemalizmi vinene ya ke se ke eno vatena ê ki hona kemalizmi rind rast nas nekene, se bikeme wa bicere rastiye ser. Xemgin a, labele peyniye ki niya, gere seba rastiye, rastiya vacime.

Coka gere waxto ke ma wast lawika goşdime, gere şime lewe dengbeja. o ki bes niyo dengbeji ki ,dengbejede rast bo.

Wayîr