Gestemerdijanê Ewrupa edi Berlin de Şahîya Gaxanî fîraz kerde PDF Yazdır e-Posta
Wusênê Gestemerde tarafından yazıldı.   
Pazartesi, 28 Aralık 2009 13:53
Gestemerdijê Ewrupa Şahîya Gaxanî de amayî têlewe û kulturê xo re wayîr vecîyayî. Komîta Gestemerdijan a Berlînî, emser Şahîya Gaxanî a 6 îne organîze kerde. Edi şaristanê Berlinî de, hîyata Cematê Dêrsîmî de roja 26.12.09 de Gestemerdijan teba nas û dostanê xo nêzdîyê 270 kesî Şahîya Gaxanî bi coş û heyecanêde girs fîraz kerde.

Saate 18:00 de programê Şahîya Gaxanî start guret. Destpêkerdena program de embazê ma Rizayî xêr amayene dê meymanan û mesajê serekê komela Çob-Der î û muxtar M. Ali Kocadagî wend û program bi muzîkî dewam kerd.

Werdene ra dime Kal û Pîre bi coşê çepikanê domanan amayî zere û skeç kaykerd, wertê miletî ra cêrayî û domana ra şekir û çî-mî kerd vila. Kal û Pîre bi govende skeçê xo qedêna. Na hêne (esna) de kî embazê ma yê hêcay Çekoyî bi kilmek mana û muhumîya roja Gaxanî ser ro qese kerd.

Na Şahîya Gaxanî, bi fedakarî û kedê hevalanê ma; Fazîlete, Gule, Îmam, Cibraîl, Alsebir, Xidir, Çeko û Wusênê Gestemerde organîze bîye. No semed ra kî seba na xizmete, fedakarî û kedî wa weş û warbênê. Lêwe naye de kî rêna bi destek û ardimanê xo Gülüfer, Fîgen, Ali û çêna xo Eyleme re, aye ra dime Gestemerdijanê ma rê, nas û dostanê ma pêroyîne rê zaf sipas kenîme. Amayena cîrananê ma yê Frankfurt ra Tekber, Gule, Zeki Xoce, Bülent Çaliş, Îsmete Bariş, Kaya û Gulê Polat, Îmam Polat û xanima xo, Zafer û Doguşî rê, Nürnberg ra Riza û lacê êy Îlhan-Serkan rê zaf sipas kenîme.

Şahîya Ganî saate18:00 de dest kerd bi ci û heyanî nême şewe bi coş û hêyecanê govenda xort û azeban dewam kerde û bi kilamanê dengbêjan Şahîya Gaxanî qedîye.

Bi kilmek na şahîye zaf rind vêrdê ra.

Gaxan û serra şimana newîye fîraz bo!.

Wusênê Gestemerde
Son Güncelleme: Salı, 26 Ocak 2010 16:56