Celadet Ali Bedirxanî edi 15. Gulane 1932 de bi zonê kurmanckî (kirdaskî) kovara Haware veta. Eke zonê însanî bindest bo, ju kovare û çîyên zaf qicê bînî kî mordemî rê zaf çîyanê girsan îfade kenê. Kirmancan kî 15. Gulane 2006 ra nat, na roje kerda Rewşana Ziwanî û çend serî yo ke fîraz kenê.

Emser kî TZPKurdî ’Zonê ma canê ma wo, kulturê ma canê ma wo, welatê ma canê ma wo’ ma bi canê xo wayîr vejîme, zon Kirmancan rê asmên de zê tîjî yo. Bi nê şîyarî hîrê rojî seba zonî her ca de aktîvîteyan virazeno.

Bi bawerîya ma kî, mordem şîkîno bi zonê xo wayîr bivejîyo, ya kî bi zonê xo şîkîno xo lıngan ser ro bicêro. Ju şar bi zon êno têlêwe. Ju şarî, zon jubînî ra gire dano, zon zaf fîraz o. Eke Kirmancî nika lingan ser ro yê, zafêrî zonê xo rê dêndar ê. Naye ra tepîya kî çiqas wayîrê zonê xo, kulturê xo, welatê xo vejîyayî oqas ver bi azadîye şonê, ravê şonê.

Ma kî roja Rewşana Ziwanî ya 15. Gulane fîraz kenîme. Vanîme ya zonê ma canê ma wo, zonê ma estebiyena ma na. Ma zê canê xo qaytê zonê xo keme.