Gestemerdijanê Berlinî bi nas û dostanê xo pîya piknîk de roje de rinde derbaz kerde. Edi Görlitzer Park de roja bazare 06.06.2010 de qic ra pile gestemerde na roja tîjîne xo re firsat zanê û  binê germê 27 dereceyî de felek ra rojêde rinde tirte û piknik de grilê de weş viraşt.

Ez bawer kena gestemerdijê man ê Berlinî hawo bî hîre-çar serî ke têdima bi nas û dostanê xo pîya şona pîknîk. No kî çîye de zaf muhum û zaf kî delal o. Mordem ke bi nas û dostanê xo bi dewijanê xo pîya şorone pîknîk  û pîknîk de roje de rinde derbaz bi kero naye ra rindekerî kî ez bawer kena çîye çîn o. Mesela werdene nîya. Ûca jubînî vînîtena ma hecayê na dinya wa. Hêvîya mi a wa ke no wa her sere nîya devam kero. Êndî naye ra tepîya kî gere xort û azebê ma nê çîyanê nîyanenan organîze bikerê.

Kesê  ke amabî nê pîknîkî sere de gestemerdijanê ma re û nas û dostanê ma pêroyîne re spas kenime û wa weş û war be û heyanî serna bimanê xêr û weşîye de.