Tirkîya roje bi roje verba tarîye şona PDF Yazdır e-Posta
W. Gestemerde tarafından yazıldı.   
Salı, 04 Kasım 2008 20:28

Tirkîya game bi game verba dînya tarîye raye gureta û şona.

Rewşa Tirkîya zê her waxtî têmîyan de ra. Merdim ke qatîye rojeva rojanê pêyena kerd, zaf hedîse bî û nînan ser ro medîya Tirkan hondayê nêvinete.

Çike tayê nuskarê rojnamayan qelema destê xo teslîme Başbux û Erdoxanî kerda, tayinê kî çi heyf ke qelama destê xo endî rota.

No semed ra kî zaf çî hetê medya Tirkîya ra wedardaye ya kî ser pêmite manenê û heyanî ke zê bombayan teqayî û rîye Tirkîya wo qilerin vecîya re mîyan.

Başbuxî keyfanê xo ra brîfîngî nêdenê. Çike, endî rîyê Tirkîya wo qilerin reyê vecîyayî bî mîyan.

No semed ra kî taye xof û ters da medîya, medya hama henî sukit ca de vinete Mi ra gore medîya Tirkîya raştî kî rojeva rojanê pêyena ser o handaye nêvinete.Çikebîye rojeva demê verî? Çetaya ergenekonî,Amayîşê Dîktator Başbuxî,Meclîse ra derbazbîyena tezkera,

Binê îşkenca de merdena Engin Ceberî,

îtîraf kerdena qatîlê hezar (1000) însanî Ayhan Çarkinî … û ebînî.

Çeteya ergenekonî yakî ebe namede bînî dewleta xorîye

Na çeteya ergenekonî, koka xo çiqas vacê honde xorîya û hondaye kî hîra wa. Çar hetê Tirkîya ra bîya vila.

Nê çeteyî, bi polîtîka Çîler xanime vecîyayî werte. Maya nê çeteyan Çîler xanima û pîye nînan kî Doxan Güreş û Mehmet Axar ra yê.

Nê mordemekan Tirkîya xo mîyan de pare kerd bî. Nê qehramanan gorê keyfê xo cîrît kaykerd, Hona vizerî Susurluk, ewro kî Ergenekon,

ma, meşte?

Nînan bi welatperwerîyenîya xo û miletperwerîya xo Tirkîya talan kerde.

Raya welatperwerîyenî ke însan kîştene û welat talan kerdene ra vêrena ya, o taw ma herkes tifenganê xo bicerîme û yewmînî kume.

Na welatperwerenî nîya. Na raşta-raşt heramxûrîyenîya. Bi na heramxurîyenîya xo şima bi hezaran însanê bêsuc û bêgunayî kîştî û hona-hona kî kîşenê.

Qatîlê hezar (1000) însanî Ayhan Çarkin vecîno programê Uğur Dündar de bi rehetîye naye vano: "mi, belko hezar însan kîşt o."

zonê merdemi necereno ke merdim nê reqamî vaca. Labelê no terorîst kesî ra minete nêkeno û nayê rehet vano.

Nînan piştî ya xo şanite piştîya Çîler xanime û Mehmet Axarî zemanê vatê: "Ya hes ke, ya kî terk ke" yanî, ya şima ma re benê qul-kole,

ya kî ma şima qirkeme. Bi nê zîhnîyetî nînan tirkîya verba kaosî berde.

Ewro kî polîs û cendermê Erdoxanî însananê bêsuc û bêgunayan binê îşkenca de kîşenê. Hepisxananê ma de îşkenca çîna vatê Erdoxanî.

Pîrê mi rî kerd sîya, zure xo vecîyayî mîyan. Na weqete kî hete de, endî polîsê Erdoxanî bi roj çiman ver de însanan kîşenê.

Hona îşkencaya pêdêsanê hepisxanan kî ma nêzame.

Wusênê Gestemerde

Berlin, 03.11.08