Dafika Erdoxanî û Baykalî ra durî biremê PDF Yazdır e-Posta
Wusên tarafından yazıldı.   
Çarşamba, 19 Kasım 2008 20:20
Anqara de pêrêştena Elewîyan (Qizilbaş) ra, tayêne ters û xof, tayêne kî hêz û qewete gurete.Elewîyan heyanî nika dewleta Tirkîya dest ra xêle ant û hona hona kî dest ancenê.

Zulm-zordarîya nînan ra, Elewîyan hetê din û bawerîye ra, Elewîyanê Kurdan kî hem

hetê din û bawerîya xo ra, hem kî hetê ziwan û kulturê xo ra Tirkan dest xêlê ant.

Tarixê însanetîyenî de raştî kî kesî zê Elewîyê Kurdî zulm û zordarîye nêdîye.

Merdimo ke ziwan û bawerîya xo ra, bi asimîlasyonê dişmenî mahrum bimano çiqas zora.

Miletê Elewî nêtawrene ke Tirkîya de vaco "Ez Elewîya„ yanê waxtê de nîyanên ra amayî.

Wertê adir û kile ra amayî. Roje bîye ke adir û kila dişmen de veşayî, roje bîye ke bi qerqeşunanê dişmenî amayî kîştene, roje bîye ke dişmenî bi destê xo eştî dare, roje bîye ke eştî hepisxanan, roje bîye ke ziyar û dîyarê nînan bombe kerdî... yane zere adirê cehenemî ra derbaz bî amayî nê rojan. Ewro kî bi raya demokrasî heqanê xoyê însanetîye wazenê.

Ma nayê ra rind...

Qey hîna zorê şima şono?

Qey şima çîye re tahamul nêkenê?

Şima mektebanê xo de dersa dînî bi dayatma danê domananê elewîyan, dewanê elewîyan de camîye danê viraştene, çêyê cem û cematî, cayê bawerîye nêvînenê, ziwanê înan qedexe kenê... no zulm û zordarîya şima, asîmîle kerdena şima û înkarkerdena şima endî bese nîya?

Hukumatê Akp ganî nê miletî ver berone zanî û şorone dest-linganê nê miletî. Nê milet ra efa xo biwazo û vaco "ma nêheqîyenî û zaf xetê kerdê, ma wazeme na nêheqîyenî endî werte ra wedarîme„ de vecîyo mîyan vaco.

Akp, sebeta çîta sarî (turban) hama hama ke kîpbîyenê. Nê rojî çiqas rew kerdî ra xo vîrî. Sebeta çîte nînan herçî guret ra çimanê xo ver. Mileto bin ke heqanê xoyê însanetîye biwazo nê xo kenê berz danê hard ro. Eywax Tirkîya ma deste şîye vanê.

Gelo nînan re qey hîna çetin eno?

Tirkîya bi qirkerdîş (qatlîam) ê însanan pelanê tarix de ca gureto. Qirkerdîşe Elewîyan Osmanîye ra destpêkeno ci û bi demê Yavus Sultanî berdewam kerd. Tornanê Osî kî qirkerdîşê Dersîmî, Maraşî, Çorimî, Koçgîrî, Taxa Gazî û Sevasî  kerd. Nê qirkerdîşî tesaduf nîye. Çitaw ke Elewîyan û Elewîyanê Kurdan bawerîya xo re, kamîya xo re, ziwan û kulturê xo re wayîr vecîyayî, nê qîrkerdîşî kî bî. Naye ra gore Elewî na têkoşîna (mucadele) xo re wayîr û hucim vecîyenê.

Ganî dost û dişmenê xo rind nasbikero.

Dost kamo?

Dişmen kamo?

Ma ke dost û dişmenê xo rind nasnêkerd, ma nînan dest hona xêle anceme.

Her çiqas ke Baykal weş bikalonê kî kes endî bawerîya xo bi nê merdimekî nîyano. Armancê nê merdimekî kifşo. Armancê nînan o virên, Elewîyanê Kurdan, Kurdan ra durî fîştena.

Ma şima nêvanê Baykal qey wîna weş kaleno.

Gelo Chp ke ewro îktîdar de bîyenê, nê waştîş (talep) ê Elewîyan çiqas ardene ra ca?

Ya kî nê problemî yew bi yew çareser kerdenê?

Sarê nînan bi nê probleman hona xele dejeno. Nînan heyanî ke nê problemî çareser nêkerdî, no sare dejen kî wîna dewam keno. Şima bi înkarkerdîşî, wedardayîşî û asimîlasyonî çîye halnêkenê.

Labelê ancîya kî şima xo re dafika Erdoxan û Baykal ra durî biremê!


Wusênê Gestemerde

Berlin, 18.11.08
 

Yorumlar 

 
#3 Wusênê G. 2008-11-21 23:51
Türkan, tespîtê to zaf raşto. çike ribalê pîyanê zê Îzzetîn Doxanî ra, Elewî no hal derê. Nê rîsîyan bi namê Elewîyan polîtîka kerde. Nînan lêwe dişmenê Elewî de cayê xo guret û mezela ma kinite. Se ke mi nustê xo yê \"Dafika Erdoxanî û Baykal ra durî biremê\" de kî kifşe kerd bî, gere milete ma dost û dişmenê xo rind bizano. Îzzetîn Doxanî Elewîyan re xizmete nêkerde, dewleta xorîye re û çeteyan re xizmete kerde.
 
 
#2 Wusênê G. 2008-11-21 23:32
Türkan, çîyo ke to ardo ra ziwan zaf raşto. çike ribalê pîyanê zê Îzzetîn Doxanî ra Elewî na rewşe derê.
Nê risîyan bi namê Elewîyan polîtîka kerde, lêwe dismenê Elewî de kî cayê xo guret û mezela ma kinite. Se ke mi nustê xo yê \" Defika Erdoxanî û Baykalî ra dûrî biremê\" de kî kifşe kerd bî, gere miletê ma dost û dismenê xo rind bizano. Pîyanê zê Îzzetîn Doxanî Elewîyan re xizmete nêkerde, nînan dewleta xorîye û çetayan re xizmete kerde.
 
 
#1 Türkan 2008-11-21 13:06
Wusen bıra

Wusen bıra, Seyit Rızay vere eğdame xo vato’’Ben sizin yalan ve hilelerinizle baş edemedim, bu bana dert oldu. Ama bende sizin önünüzde diz çökmedim buda size dert olsun’’ Dewlata Tırka a roce se qayte Seyit Rıza yı kerdo ewroki onciya Aleviyade hini qayt kene:onciya ebe e zura, ebe e hila dubara qayt kena. Raştiki defıka ne merka zaf xoriya.

Zaf serane dergara dıme Aleviya ebe sed hazar piyayi miting vıraşt.Hem va kes endi pe çıverane tariyade ma sero pazarlığıye mekero, hemıki demokrasi,özgür lük,emek talebe xo ebe vengo zaf berz ardi zon.

Na piyabuna Aleviya Hem Dewleta tırka,hemi ki eke hesabe xo Aleviya sero este e zaf tersyke mitingra dıme çığa kine xo bi kerd teber. Pileke dewlete bilinçli olarak Aleviyare vıraşte İzzetin doğani (ve onun gibileri) çı ame vere feke dina devrimciya ra, aydınara ilericiyara vake. İzzettin xoce terseno vano kursiyemı bıne mıra şono.Ama ebe mı meterso, çıqake le Fethulla xocide bo xo re jü kursi vineno.

Heto binraki,ne sistemi rolo ke do gerici,yobaz İslami medya işe xo onciya zaf rındek(layikıyl a) ard ca. Hem vere mitingi hemiki mitingra dıme seke vere maraşi,Gazi,Siv asi Manşeti eşti ci honde insani dayi kiştene onciya manşete heneni ırkçı, faşist,kışkırtı cı eşti cı mı va hela nafa ne kamci çetane xuye tari ya vecene werte,çımke na dewlete musa ebe goni bena mırde.

Dewleta tırka qatliyame,zulme heneni,hile heneni Aleviya sero kerde ke gereke Alevi xo vira mekere.Eke hesabe xo Aleviya sera este,pe çıverade gericiyade pazarlığeni kene, eki endi jü dolıme ne dı dolimi bı fıkriye endi bızane Alevi teyna seba talebane xora ne genel taleba de,genel mücadelede bene piya ebe sed hazara vecine meydana.