Zulmê Akp sinor nasnêkeno PDF Yazdır e-Posta
Wusên tarafından yazıldı.   
Çarşamba, 25 Şubat 2009 19:04

Zulim û zordarîya hukmatê Akp ra, qic û pîlê kurdan pêroyîne nasîbê xo guret.

Bi nê weçîntîşê 29ê adare (29 mart seçmleri)  ser heb çîmî sare Akp de bîye tarî û Kurdan rê qet tahamûl nêkenê. Amed û Batman de Akp teror vay da. Polisan reyêna zê her waxtî  bi derba merdene milet şana jop û pîna ver. Hard de waroginaye maye de bê çarîye û verê maya bê çarîye de zibayîş û berbîşê  ê lacekî qet çimanê mi ver nêşono. Qedir û qimetê însanetenî lêwe Akp de nêmendo. Onûr (rîmet, heysîyet) însanetenî nînan gureto binê linganê xo yê qilerina. No kî bêguman dej dano mordemî.

Hukmatê Erdoganî amo-nîyamo bi çimê dişmentîye qaytê kurdan keno. No teroro ke Akp ewro Kurdan ser ro vay dana, ancax nê terorî mordem Gazze de vîneno. Reyêna rind amê zanitene ke ferqa Tirkîya, Îsraîl ra qet çîna. Erdogan verê xo nêvîneno, feqet domanê ke Gazze de hetê Îsraîlî ra ênê iîştene înan rind vîneno û rind kî xeber daro. Gere Kurdî nê zulmê polisanê Erdoganî, roja weçîntişê 29ê adare de rind bîyarê çimanê xo ver û hînî rayanê xo berzê sandiqa weçîntîşî. Şima ke wazenê dersa Akp bidê ci, no weçînîtîş seba şima yew firsat o, yew referandum o. Naye ra gore ganî herkes destê xo vîcdanê xo serno, û rind bifikirîyo. 

Sima ke haştîye û biratîye wazenê, şima ke serbestîye û demokrasîye wazenê, şima ke ziwan, kultur û kamîya xo wazenê, ganî 29ê adare de Akp rê sandiqe ra yew raye mevecîyo. Her raya ke şima danê Akp, şima û domananê  şima rê bena qerqeşûna merdene, peyser êna.

Bi nêzdîbîyena weçîntişî, Akp her raye cerebnena. Bi hîle, bi xapitene, bi rişvet, bi hukim, bi zulim û zordarîya xo wazena Beledîyên ke Kurdan dest der ê, nê Beledîyan nê weçîntîşî de bicero binê bandora xo. Dek û dolabê Akp nêxelesînê. Sîyaseto ke ewro Erdogan keno, nê sîyasetî Erbakan serrast nêkeno.

Akp êndî şûûrê xo kerdo vîndî. Çike partîye de nêweş a. Partîya ke şuurê xo vînd bikero û nêweşe bo, xêrê xo ne Dewleta Tirkîya rê, ne kî şarê Kurdî rê esto. Rewşa Tirkîya nawa verbi çiman. Gelo hukmatê Akp werteyê 7 seran de çi xizmete kerda?

Krîz krîz ser ro amê. Krîzê ekonomîyî ra nêvana, krîzê sîyasî ra nêvana…

Ninan Tirkîya rê xizmete nêkerde. Nê partîya xo Akp rê xebetîyayî û xo rind guret ra. Ewro dezgeh û sazîyanê dewlete bi qadroyanê Ak Partîyê bîye pir û ser de şonê. Heto bîn ra kî nînan çeteyan rê xizmete kerde.

Erdogan ewro kî vaşto ra dewleta sosyale ra qese keno. Bi komir û maqarna, dewlrta sosyale nêbena. Akp, ewro feqîr-fuqare  kerdo motacê letîkê nanî, kerdo mohtacê yew torbe maqarna û komirî. Seba weçînîtîşî miletî ra ruşvet kena vila. Nêzan çi hekmet a, weçînîtîşî ke ênê hona yarmatîya sosyalî benê vila.

Weçînîtîşê 29. Adare de, sala şîyena Akp bibo, amayena xo çînebo.

Wusênê Gestemerde

Berlin, 24.02.09