Gestemerde Online

Bira silavên min esto

Min li Yalê Golê morî û mircanê xwe wenda kir

Li ber golê de jî hesreta xwe.

Min hêvîya xwe vêşart,

di bin Hazir Baba da

di paş kevirek mezin

Li ber dara mazî de

di qorîya Alî Axa da. 

Tirpana min li ser pîya

 hors û çakûçê min di destan de

bi rê ketim. 

dem dereng bû roj li ava,

quling difirîyan li ezmanê sayî de

ber bi Qeracêrê

di bala min da Gestemerd ma

Xeraldîn û Usênê Alî yê Kerîm. 

Zaroktî di zaroktîya xwe de ma

me kevir davit hev,

ji nezanîyê

wî serê min hûr kir,

min jî pîyê wî

navê wî jî Welî bû,

ê min jî Welî,

kelên xwe li Hazir Baba dibirî min

jî kara beş dikir qûrban.

Wî digot; ero ti senên a?

min digot baş im xalo. 

Ew ma ji me ra bîranîn

ew jî çû ji welat dûr, ez jî 

Lê mixabin dijminê herî mezin ma

li wî axê

em ji xwe dûr ketin,

ew kenîyan ew dikenin,

em li ber xwe dikevin ji nezanîyê,

ji xizanîyê. 

morî û mircanê xwe digerim

evîna xwe

di Ustîye te de morîya kehrîbar

li ser kûmika te,

dihece morîya nezerê 

ez ji to hes kena

bejna to ya zirav û tenik

çimanê to ya reşik 

Gestemerd ayta

kovik ji du gav ji golê dûr

min dest hejand,

di destên min de peşkîreke sor.

wê ji min re qûtiya cixarê şand

yadîgar..