Gestemerde Online

Asmên bi astareyan rêyena bereqîno dayê!

Wad bo ke, pîr bonê keNezdî der ê rocê rindî

Ti meberbe dayê, ti meberbeTi zeretenik a, ez qemîşê to nêbena dayê

Ez damîşê a hêsîra çimanê to nêbena

Dest û payan xover mekê caraSarê xo berz bice, wertê dost û dişmenî de

Vilê xo çewt meke dişmenî verXo rê kerda xuye înan bêbextênî

Anê rocanê Xizirê Kalî bonê keÊ rocê zerê zulum û zorîya xo de xeneqînê

Quya ke ma rê kinita, rocê cirê bena mezele

Ti qe çîye xo rê derd û merex meke

Nezdî der ê rocê rindî, nezdî der ê

Asparê astorê qirî Xiziro Kal, piştîya ma de êno

Hêdî hêdî birayê mi, hêdî hêdî, ti goş ra serne

Ma verê xo çarno ra, raya roştî

Şome game bi game, bihoste bi bihosteFelek pîyê înan bonê,

Xiziro Kal pîrê ma bonê keÎnan rê raya roştî nêmenda, teng -tarî de mendê

Lingan berzê xo ver, destan berzê xo ver, xover bidê

Nezdî der ê rocê rindî, nezdî der ê 

Ma xo eşto pêş û eteganê Duzgin Bavayî

Çar çêberanê xêrî ra, çêberêde xêrî kî ma rê rakero

Çar parçê welatî rê aştîye û biratîyê bîyaro

Ti bawerîya xo bi mi bîya dayê

Ma zaf rocanê rinda vînenîmê

Ti qe çîye xo rê derd û merex mekeNezdî der ê rocê rindî, nezdî der ê 

Wad bo ke, pîr bone keAsmên bi astareyan rêyena bereqîno dayê

Roştîya mezgê ma na roj û tîja asmênî

Cara omidê xo hardê dewrêşî ra, asmênê keweyî ra mebirne

Hardo dewrêşo ke, risq û gonî dano aj û amênê ma,

Ma non û awa xo ra kî, marûm nêverdano

Omidê şewa tarîya aşma newîye dayê

Şewlê aşme ver vaydîmê, kose û korekî, genim û topikî

Bicêro êndî çerxê areyî û mişoneyî

Dest berzone kerike hêyla hêylê kero avşancî

Nêbirîyo de cara awa çerxê areyî û çêyî

Zê vêrî şên û kewe bê ko û deştî, dewî û wareyî